DÍA DA INFANCIA

Tamén elaboramos este mural onde se recollen algúns datos sobre a vulneración dos dereitos dos nenos e nenas no mundo.

Mural dereitos dos nenos

Outro enlace para repasar decimais.

Actividades de matemáticas

Insértovos uns enlaces para que poidades repasar os diferentes temas que demos neste trimestre. hai moitas actividades, facede as que queirades, pero sería interesante que elixirades algunha de cada apartado para repasar todos os temas. No tema de decimais, aínda que sexan exercicios para 1º de ESO, non vos asustedes, sabédelos facer todos agás os de porcentaxe.

http://www.amolasmates.es/primero%20eso/mat1eso2.html

Con motivo do Día da Infancia (20 de novembro) os nenos/as de 6ºA fixemos unha especie de "playback" coa canción Los derechos de los niños de Unicef, acompañados dalgúns instrumentos musicais e quixemos regalárllela aos demás nenos do colexio. A partires das dez baixaron ao salón de actos, distribuidos por ciclos, os nosos compañeiros e nós cantámoslles a canción. Á vez recitamoslles unha poesía moi bonita que nos "regalaron" os nenos de infantil. A canción é a do seguinte vídeo de Youtube e esta é a poesía.
Oxalá vos gusten tanto coma a nós.


Tú tienes comida
y tienes mamá:
tienes los juguetes
y tienes papá.

Tú tienes colegio
y tienes amigos;
tienes los abrazos
y tienes los mimos.

Tú tienes un nombre
y tienes país,
y te dan jarabe
si dices atchís.

Pero debes saber
que millones de niños
no pueden comer.
Y cuando tienen sed,
no tienen qué beber.

Millones de niños
no van a la escuela;
no tienen familia,
no tienen abuela.

Millones de niños
no pueden jugar;
millones de niños
deben trabajar.

Aquí todos juntos
podemos lograr
ver nuestros derechos
hechos realidad.

En todo el planeta
no debe quedar
ni un solo niño
que no tenga pan.

Canción de los derechos de los niños de UNICEF

Primeiro vídeo: Dereitos dos nenos.

Taller de arqueoloxía

Onte, 18 de novembro, pola mañá, acudiron ao centro dúas monitoras do Museo Arqueolóxico para desenvolver unha actividade, que levaba por título "Un taller de arqueoloxía", cos nenos/as de 6º curso. A actividade consistiu primeiro nunha presentación en power point sobre a historia do edificio onde hoxe está o museo e sobre o traballo que levan a cabo os arqueólogos, logo comezaron os talleres. Por grupos, mentres uns buscamos restos arqueolóxicos nunhas caixas de area, co material axeitado, outros estudabamos o material entregado polas monitoras, clasificámolo e tivemos que sacar as conclusións que puidemos: a que época pertencían os restos, pobo, profesión etc. explicando o porqué. Logo cada grupo expúxolles aos demais as súas conclusións. Foi moi divertido e aprendemos moitas cousas.

Esta actividade foi solicitada polas nosas titoras e organizada polo Concello de Ourense.
Velaí van unhas cantas fotos para que vexades de que vai este taller.

Nota mestra: Ás titoras pareceunos unha actividade moi didáctica e aos nenos gustoulles moito.

Mañá pola tarde no noso colexio celebramos o magosto (se nos deixa a chuvia) e todos os nenos do 3º ciclo imos lucir nas nosas lapelas estes fermosos "pins".

Mostrámosvos os marcapáxinas que fixemos na clase con motivos relacionados coa festa do magosto. Por unha cara leva unha folla do castiñeiro, que previamente secamos entre follas de libros, e pola outra, algunha cantiga, adiviña ou refrán referido á castaña, acompañado dunha ilustración feita por cada un de nós. Logo, plastificámolo e atámoslle a castañiña.

Agardamos que vos guste. ¡¡BO MAGOSTO!!

Co gallo do Día das Nacións Unidas (24 de outubro) decidimos estudar, un pouco máis polo miúdo, esta organización e para iso elaboramos cada alumno/a un traballo con información recollida en Internet e logo entre todos fixemos un mural que mostramos a continuación.

magosto 2009

O MAGOSTO

O magosto é unha festa tradicional do noso país, na que se reúnen varias persoas para asar e comer castañas.

O magosto é unha festa de homenaxe aos froitos de recente recolleita: castañas e viño, pero tamén é unha festa de amizade e veciñanza que acostuma celebrarse por grupos de idades

Celébrase na segunda quincena de outubro e primeira de novembro, pero as datas máis populares son a de Tódolos Santos e o día de San Martiño (11 de novembro), segundo a comarca. Cada data ten unha connotación diferente. A primeira está relacionada coas comidas fúnebres do día de defuntos, pois ata o séculoXVIII críase que cada castaña que se comía nestas datas era unha ánima que se liberaba do purgatorio. Nalgúns lugares facían os magostos nos cemiterios para facer partícipes dalgún xeito aos seus defuntos, e noutros facían os magostos nos soutos e coidaban de non apagar de todo o lume para que se viñesen quentar as ánimas. A segunda data (11 de novembro) xa non está relacionada coa morte e celébrase sobre todo na provincia de Ourense, festividade de S. Martiño de Tours, patrón desa diócese.

Os elementos indispensables para celebrar esta festa son as castañas, o viño e o lume. Pero hoxe en día fóronselle engadindo outros produtos coma chourizos, empanadas, churrasco, queimada, etc. dependendo das idades dos magosteiros.

Antes de botar as castañas no lume fáiselles un corte cun coitelo para evitar que estoupen, pero algunhas déixanse sen cortar para divertirse cos estoupidos.

Ao rematar, emborrállanse as mans cos tizóns das brasas e tratan de lixarse uns aos outros mentres comen as castañas e cantan cantigas.

Acostúmase competir coas fogueiras veciñas. Para acadar a maior cantidade de fume empréganse xestas e leña verde.

Á noitiña os magosteiros baixan do monte agardando que chegue o do ano que vén.

Mural sobre os Dereitos Humanos

Durante este mes de outubro estivemos traballando os Dereitos Humanos e finalizamos a actividade cun mural que recolle as diferentes ilustracións que realizaron os alumnos/as sobre algúns dos artigos de dita Declaración.