O día 27 de abril os nenos e nenas da nosa clase fomos visitar as instalacións da ETAP (Estación de tratamento de auga potable) da cidade. Antes recibimos unha charla sobre a auga: propiedades e tratamento de potabilización. Despois fomos ver as instalacións e alí puidemos observar primeiro como a uga que chega do embalse ou do río Miño pasa polo decantador e logo por uns filtros de auga. Despois bótanlle cloro para matar as posibles bacterias e microorganismos e xa está lista para beber. A auga xa limpa almacénase nuns depósitos que abastecen a cidade. Finalmente fomos ver o antigo depósito de auga de Ourense, que non tiña auga neste momento porque está en obras.
Foi unha visita moi interesante porque aprendemos moito sobre a auga.
