Charla sobre hixiene dental

O día 15 de xaneiro os nenos de 5º e 6º tivemos unha charla no colexio sobre hixiene dental. Primeiro a monitora ensinounos un vídeo sobre os dentes, como coidalos e previr as caries; logo estivo un anaco ensinándonos a cepillar os dentes: díxonos que había que cepillalos dende a enxiva ata a coroa, por diante e por detrás, sen esquecernos das moas que as hai que cepillar en movementos circulares. Todo isto débese facer tres veces ao día, e que o momento máis importante é á noite. Para isto utilizou un modelo de dentadura moi grande. Tamén nos falou das partes dun dente e os distintos tipos de dentes, do que era a placa dental e como ocasionaba a caries, da necesidade de acudir ao dentista dúas veces ao ano... Ao final puidemos facerlle algunhas preguntas.

         Telma e Andrea S.

Teatro"Alarma no nacemento"

Exposición "A restauración no museo"

O día 18 de decembro de 2013 os nenos e nenas de 5º e 6º do noso colexio fomos ver a exposición “A restauración no museo” que estaba instalada na sala de exposicións de Novagalicia Banco na Praza Maior de Ourense. Alí unha guía mostrounos as distintas esculturas e cadros, todos relixiosos, e feitos en madeira. Logo explicounos cales son os males ou enfermidades que poden presentar as esculturas e as pinturas feitas en madeira  e a maneira de restauralas.

 Para saber que problemas presenta fanlle á peza unha especie de radiografía. Unha das cousas que máis importante é na restauración dunha obra é que non se lle pode engadir nada novo. Das enfermidades que poden presentar estas obras unha moi importante é a presenza de termitas e a monitora díxonos que para eliminalas inxéctanlles un insecticida cunha xiringa en cada burato e logo envólvenas nun plástico ben pechado e extráenlle o aire e así as termitas morren por falta de osíxeno. Están así envoltas arredor dun mes. Outro problema importante que presentan estas obras é a debilitación da madeira que deben solucionar para darlle consistencia aos soporte das obras.

Despois de explicarnos estas e moitas outras cousas sobre a restauración de obras en madeira fixemos un taller onde por grupos tiñamos que detectar que problemas presentaba unha obra que nos deu fotografada e cales serían as medidas que habería que tomar para restaurala, esta peza era o Santiago Peregrino. Gustounos moito facer de restauradores e puidemos aplicar os coñecementos que adquirimos ao longo da visita. Esta visita gustounos moito a todos e á nosa mestra tamén.

Película "O APÓSTOLO"

Película ”O APÓSTOLO”

O 30 de novembro de 2013, pola mañá, os alumnos e alumnas de 5º e 6º do noso colexio fomos ao auditorio de Ourense ver a película “O Apóstolo”. Alí xuntámonos con moitos nenos doutros colexios. Esta película foi feita coa técnica de Stopmotion que consiste en poñer en distintas posicións os bonecos e sacarlles fotos para que ao final pasándoas rápido pareza como que son eles os que se moven. Ao final da película presentouse o director da película, Fernando Cortizo, ao que tivemos oportunidade de facerlle moitas preguntas. Así soubemos que lle levara facer a película uns tres anos xa que case todo era artesanal, que os bonecos estaban feitos de silicona e por dentro tiñan unha especie de esqueleto que lles permitía facer os movementos, que tardaron un mes para facer o primeiro boneco e moitas outras cousas.

Esta película trata sobre un preso que se escapou do cárcere e diríxese a un pobo, que queda no camino de Santiago, en busca dunhas xoias que deixou agochadas un compañeiro seu. Alí sucédenlle cousas moi raras xa que había séculos un peregrino contaxiara aos seus habitantes a peste negra e desde entón a Santa Compaña collía a unha persoa do pobo e eles o que facían era enganar aos peregrinos e substituilos por eles. Esta película está competindo polo Óscar de mellor película de Animación 2013. (Ángel e Martín)

Valoracións película “O Apóstolo”:

"A película foi emocionante e divertida. A min gustoume moito e paseino moi ben. Recoméndollela a nenos a partir de nove anos". (Noelia)

"A película gustoume moito porque ten moita intriga e misterio e ademais gústanme as lendas sobre pantasmas. Recomendaríalla a persoas maiores de oito anos porque tamén dá medo". (Martín)

"Gustoume onde estaba ambientada a película, pero non a historia". (Miguel)

"A min encantoume, pareceume moi fermosa". (Telma)

"A min esta película encantoume, non me estraño que estea competindo polo Óscar na categoría de mellor película de animación 2013. Eu calificaríaa cun 10". (Adrián)

 "A película , en xeral, gustoume, porque era de medo e a min gústame este xénero, pero había algunhas partes que non me gustaron porque non as entendía". (Hugo)

  "A min a película non me gustou porque me daba medo, de todas formas aprendín algo novo, xa que eu non sabía que existían as películas feitas coa técnica de stopmotion e tampouco sabía o que era a Santa Compaña. Eu recomendaría que só a visen as persoas maiores". (Alexia)