CON TITO VILANOVA

"Grazas, por facer que o F.C.B. gañase a liga no 2012 e ser tan bo entrenador e xogador do Barcelona". (David) "Estou moi triste pola túa morte, aínda sendo do Madrid". (Ángel) "Demostraches ser moi forte tal como levaches a túa enfermidade. O meu pésame para toda a túa familia".(Andrea S.) Desexo que a túa familia sexa forte nestes momentos tan duros". (Hugo) Espero que a túa familia estea orgullosa polo gran entrenador e boa persoa que fuches. (Noelia) "Grazas, Tito, por ese ano (2012)tan marabilloso que nos deches. Dicho un madridista. Descansa en paz, Tito". (Adrián) "Espero que os teus fillos estean orgullosos de ti por ser tan boa persoa". (Yolanda) "Todos os teus xogadores están moi apenados, queríante moito". (Beatriz) "O Barcelona é o meu equipo favorito e espero que o siga sendo sen ti. Grazas,Tito".(Xian)

Debuxos de "Zoa e Azor"

Libros: "ZOA E AZOR"

Durante o 2º trimestre estivemos lendo todos xuntos na clase, en voz alta,  o libro da escritora An Alfaya "Zoa e Azor". Ao principio parecíanos algo difícil porque tiña moitas palabras descoñecidas para nós, pero só foi nos primeiros capítulos, despois xa non. A historia foi incrible, xa a profe nos dixera que nos ía gustar moito e así  foi. Cada día liamos só unhas poucas páxinas e sempre quedabamos coas ganas de saber que ía ocorrer, porque tiña moita intriga. Outra cousa que nos gustou del foi que se coñecía moi ben como era cada un dos personaxes do libro, non fisicamente senón o que sentían. Ninguén quería que rematase. A historia é moi triste, como pode haber xente tan mala coma Tomás!!

Aos que lles gusten os cabalos e non sexan ruíns coma Tomás, seguro que lles vaia gustar. LÉDEO

Ao acabar de lelo fixemos moitas actividades arredor del, e unha delas foi facerlle un debuxo para a escritora cunha frase de agradecemento. Podedes velos nesta presentación.

fotos Día do Libro

Día do Libro

Por que se elexiu esta data?

O 23 de abril é un día simbólico para a literatura mundial, xa que neste día no ano 1616 faleceron personalidades como Cervantes, Shakespeare e Garcilaso de la Vega. Tamén se conmemora o nacemento ou morte doutros autores importantes como Maurice Druon, Haldor K. Laxness, Vladimir Nabokov, Josep Pla y Manuel Mejía Vallejo.

A idea  orixinal da celebración do Día do Libro partiu  de Cataluña, do escritor valenciano Vicente Clavel Andrés propoñéndolla á Cámara Oficial do Libro de Barcelona en 1923 e aprobada polo rei Afonso XIII de España en 1926. O  Día del Libro foi   presentado  polo goberno español á Organización das Nacións Unidas para a Educación, a Ciencia e a Cultura (UNESCO). Proposta que se aprobou na Conferencia Xeral da UNESCO, celebrada en París no 1995, proclamando o 23 de abril de cada ano como "Día Mundial do Libro e dos Dereitos de Autor".

 "Ventana abierta a la diversidad de las culturas y puente tendido entre las civilizaciones, vector de valores, de saberes, del sentido estético y de la imaginación, el libro es ante todo obra de la inteligencia, la creatividad y la cultura humanas: por ello enriquece el patrimonio inmaterial de la humanidad..." (Koïchiro Matsuura, Director Xeral da UNESCO).

 Frase de celebración do Día Mundial do Libro 2014:
«...Nuestra finalidad está clara: alentar a los autores y artistas y velar por que la alfabetización y los formatos accesibles lleguen a más mujeres y hombres, porque los libros son nuestras herramientas más poderosas para erradicar la pobreza y construir la paz.»
Sra. Irina Bokova, Directora General de la UNESCO

 Como o celebramos nós?  

O 23 de abril os nenos de 3º, 4º, 5º e 6º lémoslles un libro aos máis pequenos.  Cada un de nós escolleu un libro, dos xa seleccionadas polos mestres, e despois de ler cada un o seu na clase, para facelo o mellor posible, aquel día pola mañá baixamos ao patio acompañados cada un do neno ou nena que lle tocara. A nós tocounos lerlles aos de 1º curso. Xa no patio colocámonos cada parella onde quixo e puxémonos a ler o conto.  Nós tivemos un pouco de mala sorte porque non nos puidemos sentar na herba, como tiñamos pensado,  xa que estaba mollada, e tivemos que sentarnos nos patios cubertos.

Foi moi interesante, nós pasámolo ben léndolle aos pequenos e eles tamén nos dixeron que lles gustaran  os contos elexidos.

Podedes ver as fotos na presentación anterior.

TEATRO: Día do consumidor

Para conmemorar o Día do Consumidor, este curso, ao igual que outros anos, veu ao centro un grupo de teatro chamado TRÉCOLA TEATRO  representarnos unha obra titulada "Cling" dentro da campaña da OMIC do Concello de Ourense. Baixamos todos os cursos a vela ao salón de actos. Con ela aprendemos cousas como cal foi a orixe da moeda e problemas que os consumidores tiveron nas diferentes épocas históricas. Todo dunha maneira moi divertida. Pasámolo moi ben, gustáronnos moito todos os actores e actrices, pero especialmente gustounos unha actriz que coñeciamos porque é a mamá dun neno do colexio. NORABOA

Teatro "VAIA CIRCO" de Odaiko

O día 31 de marzo, luns, os nenos e nenas de 5º e 6º do CEIP Albino Núñez fomos ao auditorio a ver a obra “¡Vaia circo!” do grupo Odaiko.

A obra ía de catro percusionistas galegos que inventaron a muiñeira e viaxan por toda España para compartir o seu novo ritmo e en diferentes cidades van coñecendo ritmos, cancións e instrumentos distintos que nos dan a coñecer, interpretando diferentes pezas e estilos musicais.

Primeiro viaxan a Madrid e alí escoitan unha marcha nova.

Ao ver o musical do Rei León preséntanos os instrumentos de África. Outro día preséntannos todo o relacionado coa música húngara. Acaban levándonos a China..., para logo voltar ao seu lugar natal, Touporroutou. Todo isto cheo de escenas cómicas, de aquí que todo pareza un circo.

A nós gustoume moito como tocaban e como representaron á perfección os distintos tipos de música do mundo e de maneira tan divertida. Aos nosos compañeiros tamén lles gustou moito.

                                                                                            Martín e Telma

Charla "Na casa, todos iguais"

O 12 de marzo tivemos unha charla no centro que tiña por título "Na casa todos iguais". Esta charla escolleuna a profesora para traballar a igualdade entre homes e mulleres e así conmemorar o Día Internacional da Muller, que fora o 8 de marzo. O tema tratado foi a necesidade de compartir entre todos as tarefas do fogar. A monitora mostrounos o vídeo Un sueño imposible  e tamén cubrimos un cuestionario sobre quen facía cada unha das tarefas na nosa casa e logo fixemos un contrato no que nos comprometiamos a facer algún labor na casa.