DESPEDIDA DOS ALUMNOS E ALUMNAS DE 6ºA

Acabouse o curso e con el unha etapa para nós. Que curta parece agora! Sen embargo a maioría dos nenos e nenas da clase levamos aquí desde os tres anos. Cando viamos marchar aos compañeiros doutras promocións tiñamos ganas de que nos chegara a vez a nós, sen embargo agora xa non estamos tan convencidos. Os sentimentos que temos son contraditorios, por un lado queremos marchar para o Instituto para vernos xa maiores e por outro non queremos deixar este colexio porque aquí medramos, fixemos amigos, aprendemos moito e nel sentímonos seguros.  A carta que redactou Noelia recolle o sentimento de todos nós e con ela despedímonos de todos. GRAZAS .

DESPEDIDA DOS ALUMNOS E ALUMNAS DE 6ºA

 O 14 de xaneiro deste ano fomos ao Parque Infantil de Tráfico, situado en Expourense, para traballar a educación viaria, como xa comentamos neste blog. Unha das actividades que fixemos foi andar en bicicleta por un circuito e dúas compañeiras da nosa clase, Noelia Carnero e Nerea Vidueiras, foron seleccionadas para participar no Concurso Provincial de Educación Viaria que tivo lugar tamén en Expourense o día     ás 16:30 h.  Noelia Carnero quedou semifinalista e recibiu de agasallo un trofeo en metacrilato, ademais dun diploma.  Nerea Vidueiras recibiu un pen-drive e tamén un diploma. Todos os compañeiros queremos felicitalas e darlles a NORABOA. Aquí tedes inmortalizado o momento da entrega de premios. 

Momento da entrega de premio a Noelia Carnero 

Noelia e Nerea cos seus diplomas e agasallos

ACRÓSTICOS E CALIGRAMAS

Estase confeccionando un novo número da REVISTA ESCOLAR e, entre outras aportacións, a nosa clase fixo estes acrósticos e caligramas.

Non queremos rematar sen facer referencia á excursión que algúns de nós fixemos a Madrid, na ponte do  1º de maio, organizada pola ANPA do colexio. Non imos entrar en detalles aquí porque non queremos pórlles os dentes largos aos nosos compañeiros que non puideron ir. Na nosa clase só fomos seis. Non fai falta que digamos que o pasamos xenial, nunca esqueceremos esta excursión, e queremos desde aquí darlles as grazas aos organizadores e acompañantes da viaxe, pois sabemos que levaron moito traballo para que todo saíse ben. GRAZAS

Por último, o 21 de maio tivemos no centro unha sesión de teatro representada polo grupo "Trécola". A obra titulábase "BIP, BIP, hai alguén por aí?" Esta actividade foi ofertada pola OMIC do Concello de Ourense. A finalidade desta obra é a de contribuir á concienciación de hábitos correctos de consumo nos rapaces da cidade. Á obra asistimos os alumnos e alumnas de 3º,4º,5º e 6º cursos. Foi moi divertida e didáctica.

Xa o 19 de maio tivemos a EXCURSIÓN A MANZANEDA  patrocinada pola Región. Foi un día moi especial polo lugar onde se desenvolveu, en plena natureza, polas múltiples e divertidas actividades que realizamos e ademais porque coñecemos e convivimos con nenos doutros colexios da provincia. Pasámolo xenial, malia o frío que fixo ese día. 

        

No telesquí.  Quen dixo frío!!

Unha cabana a proba de vendaval

      

Non faltaron os deportes

Despois de tanta marcha, había que relaxarse.

e repoñer forzas.

Se queredes ver máis fotos visitade a galería da páxina Web do colexio.

O Día do Libro participamos nas actividades de animación á lectura programadas pola biblioteca do centro na sección de "Apadriñamento lector". A nós tocounos lerlles aos compañeiros de 1º curso. Esta era a segunda edición desta actividade que gusta a grandes e pequenos.

O nosos compañeiro Eric

Gaiska escoita moi atento a Yolanda

3ª semana Mundial das Nacións Unidas sobre seguridade viaria.

Confeccionamos este cartel co lema:

                         "Por seguridade, usa o casco tamén na cidade".


O  15 de maio celebramos o FESTIVAL DAS LETRAS GALEGAS que este ano consistiu nun recitado de poesías e cantigas. Nós participamos co recitado da poesía "Palabras milenarias" elexida porque nos di que o galego é unha lingua moi antiga que foi conservada polos nosos devanceiros e que debemos seguir transmitindo. Tamén nos di que nesta lingua se pode falar de calquera tema e en calquera situación: das plantas, dos animais, facer poesía  e contos, pero tamén falar da ciencia, usala na liturxia, en internet, e, como non, para facerlle as beiras a alguén... Pensamos que non hai mellor homenaxe que se lle poida facer á nosa lingua.
Esta poesía  gustoulles moito aos nosos compañeiros e mestres e recibimos moitas felicitacións. 
Desde aquí pedímosvos que  faledes sempre en galego para que a nosa lingua dure outro milenio máis. 
Aquí tedes algunhas estrofas deste bonito poema de Ferro Ruibal:

 Temos na boca palabras milenarias

  pra falarmos moi en serio de voos supersónicos,

 de vídeo dixital, de castiñeiros clónicos, 

 de electromagnetismo, de leis hipotecarias,

 de fonosimbolismo, de veas coronarias.

Temos na boca palabras milenarias,

métellas aos fillos entre bicos, leite e pan,

úsamas no altar nas festas de gardar.

Fálame esta lingua no xornal e nas cadeiras.

Fálama,  meu rei, se me vés face-las beiras.

Temos na boca palabras milenarias;

elas fannos pobo e prometen un futuro

pero, como isto non está seguro,

nós cos nosos fillos xurámo-lo convenio

de que a nosa lingua viva outro milenio.

Momento da nosa actuación

UN TRIMESTRE CHEO DE ACTIVIDADES

Despois da visita á exposición de pintura de Antón Pulido, o 9 de abril, xa comentada con anterioridade, o 22 de abril visitamos as instalacións da Policía Nacional,  onde ademais de recorrer as distintas dependencias  con que conta o centro, explicáronnos o procedemento que se segue coas persoas que chegan alí detidas.

                  

                        Diante do edificio da Policía Nacional

Xa no interior das instalacións

Desde o helipuerto disfrutando dunhas fermosas vistas da cidade. 

O 23 deste mesmo mes fomos á Estación Depuradora de Augas Residuais de Ourense (EDAR)  

situada en Reza. Ao chegar, recibimos unha charla, acompañada dunha presentación, na que un monitor, que xa coñeciamos da visita á depuradora de auga potable, nos explicou  o tratamento que seguen as augas residuais para que cando volvan ao río non causen dano á flora e a fauna. Logo fixemos un recorrido por todas as instalacións, tanto interiores coma ao aire libre, vendo como se leva a cabo todo este proceso.

Instalacións da EDAR ao fondo

Explicación teórica sobre o tratamento das augas residuais.

Xa no exterior.

         

Vista das instalacións interiores

EXPOSICIÓN DE ANTÓN PULIDO

O día 9 de abril os nenos e nenas de 5º e 6º curso fomos ver unha exposición antolóxica do pintor Antón Pulido á Sala de Exposicións Afundación de Ourense.

Autorretrato, 1970

Ao chegar alí dividíronnos en dous grupos: quinto e sexto. Mentres un grupo estaba vendo a exposición o outro estaba pintando unha composición nun taller situado na parte de arriba da sala.  A nosa guía dividiu o noso grupo en cinco equipos e cada un tiña que buscar as respostas a unha serie de preguntas que se formulaban sobre o cadro que lles tocara estudar e ao final tiñan que presentarlles aos demais a súa obra dicindo as preguntas e as respostas que eles deran.

Estraloques, 2008

Kermesse, 1991

Kermesse, 2013

A guía correxía as respostas erróneas ou aclaraba datos sobre a obra observada. A orde dos cadros comentados correspondíase co tempo cronolóxico do autor o que nos permitiu ver a súa evolución desde uns cadros figurativos como o seu autorretrato ata a abstracción total, pasando polo expresionismo. Tamén nos explicou as diferentes técnicas empregadas polo artista nos seus cadros. Vimos como as cores utilizadas tamén foron cambiando, pasando duns primeiros cadros máis escuros a outros de cores moito máis vivas. Ao longo da charla aprendemos moitos conceptos como expresionismo, abstracción, vanguardia, composición... e tamén datos sobre a vida do pintor. Rematada a visita á exposición subimos ao taller e alí un guía díxonos que tiñamos que facer unha composición libre cos materiais que tiñamos encima da mesa. Decidimos facer a composición coas letras do seu nome PULIDO e con motivos marinos. Cando estabamos todos entretidos facendo a nosa obra chegou o pintor, non o podiamos crer!, ninguén nos avisara. Despois de saudalo seguimos pintando e ao final dixo que lle gustaba moito a nosa composición e que non sabía cal dos cadros que a formaban era máis bonito, que para el eran todos preciosos. Firmounos en cada un deles e agora témolos expostos no corredor da nosa planta, no centro. A continuación firmounos autógrafos e sacamos varias fotos colectivas con el.

Pintando a nosa composición

Nós traballando con Antón Pulido ao fondo.

Resultado final                                                                                           Título: O NOME                                       

DÍA INTERNACIONAL DA MULLER

SON TODAS AS QUE ESTÁN PERO NON ESTÁN TODAS AS QUE SON.

Co gallo do Día Internacional da Muller estivemos traballando na confección deste mural no que mostramos as achegas dalgunhas das moitas mulleres que destacaron na historia en distintos campos: científico, literario, artístico, deportivo, político, ecolóxico... co obxectivo de visibilizar as mulleres ao longo do tempo. 

CHARLA DE PRIMEIROS AUXILIOS

O día 3 de marzo os alumnos de sexto tivemos unha charla sobre primeiros auxilios no noso centro. Esta charla pareceunos moi interesante e práctica porque aprendemos como actuar se nos atopamos cunha persoa que está ferida, atragantada, en parada cardio-respiratoria, queimada... Explicounos que o primeiro que había que facer era manter a calma e seguir o PAS (protexernos-protexer, alertar, socorrer). Á hora de socorrer indicounos como había que actuar nos diferentes tipos de accidentes ou situacións nas que se podía atopar unha persoa con problemas, mentres non chegaban os equipos sanitarios, e todo isto de maneira práctica, ben valéndose dun neno ou duns bonecos que traía consigo. Así ensinounos como realizar o boca a boca, a masaxe cardio-respiratoria e a manobra de Hemlich, como comprobar se unha persoa respira, como collerlle o pulso, ou como actuar se ten unha hemorraxia.  Todos estivemos moi atentos e interesados porque coa nosa actuación podemos salvar unha vida.   Noelia e Ángel

CONTACONTOS: DON QUIJOTE DE LA MANCHA

O 19 de febreiro os nenos dos cursos de terceiro a sexto asistimos a unha sesión de contacontos no salón de actos do noso colexio sobre a obra máis importante da nosa literatura, Don Quijote de la Mancha, con motivo da celebración do cuarto centenario da publicación da segunda parte desta obra. A relatora foi a actriz galega Raquel Queizás. De maneira moi amena e participativa deunos a coñecer algo desta obra, sobre todo os seus personaxes máis destacados, algunha aventura levada a cabo polo Quijote, ditos, e por suposto o seu amor incondicional por Dulcinea, papel interpretado pola actriz. Os papeis de Sancho e Don Quijote interpretáronos dous dos nosos compañeiros de clase, que podedes ver nestas fotos, que por certo fixérono moi ben. Resultou unha actividade moi educativa e á vez moi divertida. Motivounos moito e agora moitos nenos xa estamos pensando en pórnos a ler esta obra.

 (Se queredes ver máis fotos desta sesión visitade a páxina web do colexio, e se queredes saber máis sobre esta obra entrade no blog da biblioteca).

AS NOSAS COPLAS

FOTOS ENTROIDO 2015

NAVEGA CON RUMBO

Este  xoves, día 12 de febreiro, o alumnado de 5º e 6º tivemos unha charla sobre a seguridade en Internet dentro do  Plan  “Navega con rumbo”.

A conferenciante  falounos  dos “hoax”  (bulos  ou noticias falsas que circulan pola rede), do “grooming” (un adulto intenta gañarse a confianza dun menor cunha intención sexual),  do “ciberbullying” (acoso entre iguais: chantaxes, vexacións, insultos,etc) e tamén nos deu algunhas recomendacións para navegar máis  seguros polo Ciberespazo.  

Fotos Día da Paz

DÍA DA PAZ

Acabamos de celebrar no colexio o Día da Paz  aínda que mellor deberiamos dicir a Semana da Paz, pois toda a semana estivemos facendo actividades relacionadas con esta data tan importante.

Na nosa clase xa levabamos unhas semanas preparando a canción titulada "Corazón con cremallera" acompañada dun baile que logo ensinamos aos de infantil, así como a lectura e comentario de textos alusivos a este tema.

A nivel plástico colaboramos na confección dun mural para a biblioteca deseñando uns ladrillos que podedes ver na seguinte presentación. Tamén fixemos para a nosa clase este mural "Paz no mundo".

Nas clases de plástica confeccionamos unhas pombas da paz  en papiroflexia coas que construiremos uns móbiles para colgar na clase.

Xa o día 30 colaboramos na construción da "pomba solidaria" aportando alimentos e logo cantamos e bailamos todos xuntos.  

Foi un bonito día, agora só falta que continuemos con este espírito solidario o resto do ano; de momento temos boas intencións.

Podedes ver arriba algunhas das fotos deste acto. Se queredes ver máis entrade na galería da páxina Web do colexio.

Encontro coa escritora Ledicia Costas

O encontro coa escritora Ledicia Costas foi a última das moitas actividades que realizamos arredor do libro Escarlatina, a cociñeira defunta.  

Nas vacacións de Nadal lemos o libro que nos regalou o Concello e á volta fixemos na clase comentarios e valoracións sobre o libro, aclaramos dúbidas, informámonos sobre a autora e o ilustrador e realizamos un debuxo que lle entregamos á escritora o día do encontro.

Ese día,  30 de xaneiro, os alumnos de 6º acudimos á Escola de Teatro e alí xuntámonos cos doutros catro colexios. A escritora  xa nos estaba agardando xunto coa responsable do Concello e o representante de Xerais (editorial  do libro).

A escritora falounos un pouco sobre ela e enseguida comezou a rolda de preguntas que lle fixemos os nenos de todos os colexios. Ela contestounas todas moi amablemente e despois pasou a firmarnos os libros. Nós levamos dous exemplares para firmar e escribiunos unhas especiais dedicatorias. Nós pola nosa parte agasallámola cun debuxo, feito por Ángel, e as nosas valoracións sobre o libro, traballo que lle gustou moitísimo, mostroullo a toda a sala e pediu un aplauso para nós.

Algunhas das cousas que nos contou foi que a súa afección pola escritura viña desde pequeniña, e que a súa primeira novela  a escribira con 13 anos. Díxonos que non tiña ningún lugar en concreto  onde se inspirar  para escribir os seus libros, é mais, ela non cre na inspiración, pensa  que é cousa de poñerse a escribir e xa está. Á pregunta de por que elixira o tema dos mortos para facer este libro, ela contestounos que o elexira  porque na cultura galega  son moi importantes os contos e as lendas de mortos e como non se escribira nunca un libro infantil sobre este tema que decidira facelo ela.  Díxonos tamén que ía escribir outro libro, que en realidade era a primeira parte deste xa que vai de cando se coñecen, antes de morrer, Escarlatina e Lady  Horreur. Estámolo agardando con moito interese.

Era a primeira vez que falabamos cunha escritora e gustounos moito.  


A continuación podedes ver o traballo que lle entregamos e as dedicatorias que nos escribiu nos libros.

VISITA AO "IES 12 DE OUTUBRO"

 O día 29 de xaneiro os alumnos e alumnas de 6º  curso fomos coñecer o IES 12 de Outubro, porque é o centro ao que a maioría dos nenos imos ir para o curso que vén. Fomos acompañados das dúas titoras de 6º e da orientadora do centro. Tamén  foron algúns dos nosos pais (arredor duns doce) para coñecer o centro e valorar se nos mandaban para alí ou non.

Ao chegar recibiunos a directora e explicounos no salón de actos os diferentes estudos que se imparten no centro e as actividades complementarias e extraescolares que alí se desenvolven, Ao rematar o xefe de estudos foinos ensinando as distintas dependencias do centro: laboratorios, talleres de mecanizados, electricidade, perruquería, estética, biblioteca e diversas aulas. O que máis nos chamou a atención foron os talleres e que o colexio era moi grande e que parecía un labirinto. 

Cando acabou a visita convidáronnos a un chocolate na cafetería do centro. Foron todos moi amables. 

A maioría de nós  queremos ir a este centro para non separarnos dos nosos compañeiros.

Teatro en inglés: "Spinderella"

PERFORMANCE IN ENGLISH: “SPINDERELLA”

The students of the 6 year went to the local Auditorium to see a performance in english called: “Spinderella”. The performance was about two sisters who were diffrent in many ways. The big sister, Becky, treats her little sister, Cindy, like a servant and she was obliged to do all the homework. One day theres an announcement about a karaoke competition and the younger sister wants to go but her sister doesn t let her go. With some help from a magic friend, Cindy is able to go to the karaoke party disguised in costume. At the end the little sister wins the competition.

The students participated singing the songs that before we prepared in the english classes. It was easy to understand and the vocabulary and history were simple. (Martín)

Fotos saída Ed.Vial.

Visita ao Parque Infantil de Tráfico

O  día 14 de xaneiro os alumnos e alumnas das clases de 5º  e 6ºA  fomos ao Parque Infantil de Tráfico, situado en Expourense, para traballar a educación vial de maneira práctica (segundo nos dixo a profe. 

Cando chegamos sorprendeunos moito o que había no circuito, era como unha cidade en pequeno, cos seus parques, casas, rotondas, xardíns, sinais... Recibíronnos tres persoas, unha delas era un policía local. Primeiro dividíronnos en dous grupos e mentres  a un lle estaba explicando o policía, sobre o circuito, o significado dos  distintos sinais, raias pintadas no chan, maneira de circular nas rotondas, principais normas de tráfico, etc o outro grupo estaba vendo un vídeo e unha proxección de diapositivas nunha sala próxima.  

Despois de recibir as explicacións do policía local  ese grupo collía as bicicletas e os "karts" e practicaba o que lle explicaran antes por todo o circuito. Foi moi divertido, e todos queriamos estar máis tempo practicando. Por certo,  dúas compañeiras foron seleccionadas para participar nun concurso polo ben que o fixeron. NORABOA!    

O vídeo tamén foi moi interesante pois trataba das similitudes do desprazamento dos animais e dos humanos e, por último, proxectáronnos unhas diapositivas sobre como circular coa bicicleta por estradas e pola cidade de maneira segura.

Pareceunos a todos unha saída moi divertida e na que aprendemos moito sobre educación vial, especialmente coa bicicleta.      

                 

                                                                                                Yolanda, Ángel e Noelia Carnero.

os nosos contos

Obra de teatro "Onde vai o neno"

NADAL 2014

Imos contarvos como celebramos o Nadal na nosa clase. Dicimos celebralo porque coas actividades que fixemos  pasámolo moi ben e disfrutamos moito. Colaboramos na exposición de postais que se fixo a nivel de colexio (as nosas podédelas ver na presentación) e tamén  no festival de Nadal que tivo lugar os días 18 e 19 de decembro, o 18 asistimos os nenos e nenas do colexio e os nosos mestres, e o 19 foi a representación para os nosos pais. 

Nós para o festival  preparamos una pequeña obra de teatro titulada “Onde vai o neno” que trataba  dun Nacemento no que non hai neno e o pregoeiro está moi amolado porque  é o responsable de que saia todo ben e non entende que se faga  un nacemento sen  neno. Os demais personaxes  intentan explicarlle que non fai falta o neno porque todos os alí presentes levan un neno dentro e que só hai que deixalo saír, que no Nadal todo é posible porque é tempo de soñar.

Cando a profe nos preguntou como queriamos participar no festival de Nadal todos lle dixemos que fixeramos unha obra de teatro porque quedaramos moi contentos coa que representamos o ano pasado pero a profe non estaba moi convencida porque iamos algo atrasados nos temas das materias,  ao final aceptou, sempre que non nos importase  ensaiar tamén nos recreos para non perder tantas clases, nós dixémoslle que si e comezamos os ensaios a comezos de novembro  nas clases de relixión / atención educativa e mais nos recreos (agradecemos desde aquí á mestra  de relixión que nos deixase  as súas horas para ensaiar). Nos ensaios pasámolo moi ben aínda que a algún custoulle  un pouco meterse no papel pero ao final todos o fixemos moi ben. 

O día da representación  para o colexio  felicitáronnos moitos mestres e compañeiros, dixéronnos que lles gustara moito a mensaxe da obra  e que a representación fora xenial, os pais para o outro día tamén nos dixeron que estabamos feitos uns grandes actores e actrices, que lles gustara moito,  pero o que máis nos importou foi que a nosa mestra quedara satisfeita co traballo de todos.  

Agora estamos un pouco tristes porque para o ano que vén xa non poderemos facer outra obra de teatro porque non estaremos neste colexio, a profe dinos que nos apuntemos  no grupo de teatro do Instituto ao que vaiamos.  

Se queredes podedes  ver algunhas fotos na presentación do blog  e tamén na páxina web do colexio.