cartas aos Reis Magos

Open publication - Free publishing - More cartas

cartas aos Reis Magos

Vou mandar estas cartas aos Reis Magos, se non non van chegar a tempo. Que todos os vosos desexos se vexan cumpridos.

postais de Nadal

Neste Nadal participamos no concurso de postais que se celebrou no colexio. Estas son as da nosa clase e aínda que non saíu gañadora ningunha delas todas son moi bonitas. Para outra será! O que si escolleron foi o texto que o noso compañeiro Martín creou para a súa postal. Noraboa!

Día Internacional dos Dereitos humanos

Co gallo do Día Internacional dos Dereitos Humanos (10 de decembro), na nosa clase, na asignatura de Ed. para a Cidadanía, estivemos facendo diversas actividades para coñecer os dereitos que temos todas as persoas e tamén para ver o grao de cumprimento destes dereitos no mundo. Unha destas actividades consistiu en que cada equipo elexise un dereito e logo confeccionase un mural arredor del. Mostrámosvolos na presentación seguinte.

Enlaces para repasar os temas de matemáticas

Insértovos algúns enlaces para que poidades repasar os diferentes temas de matemáticas que demos neste trimestre. Hai moitas actividades, facede as que queirades, pero sería interesante que elixirades algunha de cada apartado para repasar todos os temas. Os nenos/as que só destes operacións con números naturais e potencias facedes os que correspondan a eses temas.

http://www.juntadeandalucia.es/averroes/recursos_informaticos/andared02/refuerzo_matematicas/indicemate.htm

http://www.genmagic.net/mates4/jerarquia_opera_c.swf

http://www2.gobiernodecanarias.org/educacion/17/WebC/eltanque/todo_mate/usc/multipli/mult_usc_e_p.html

http://www2.gobiernodecanarias.org/educacion/17/WebC/eltanque/todo_mate/usc/divideci/divi_usc_ed_p.html

http://www2.gobiernodecanarias.org/educacion/17/WebC/eltanque/todo_mate/numdec/numdecim.swf

http://www2.gobiernodecanarias.org/educacion/17/WebC/eltanque/todo_mate/numenteros/enteros_p.html

http://www.amolasmates.es/primero%20eso/mat1eso2.html (Esta páxina, aínda que sexa de exercicios para 1º de ESO, que non vos asuste, sabédelos facer todos agás os de porcentaxe).

manualidades con castañas

Nesta outra foto podedes ver algúns dos traballos que fixemos con castañas na nosa clase para a exposición que se puxo na entrada do colexio co gallo de honrar a este saboroso produto, pois, como sabedes, o magosto é unha festa típica da nosa cidade de Ourense..

mural magosto

Este ano polo magosto fixemos cada un dos nenos e nenas da clase unha castaña cun refrán, adiviña ou cantiga e un debuxo ilustrativo. Velaí tedes o mural que fixemos con todas elas. Tamén no slide podedes ver cada unha delas.