Visita ao Parque Infantil de Tráfico

O  día 14 de xaneiro os alumnos e alumnas das clases de 5º  e 6ºA  fomos ao Parque Infantil de Tráfico, situado en Expourense, para traballar a educación vial de maneira práctica (segundo nos dixo a profe. 

Cando chegamos sorprendeunos moito o que había no circuito, era como unha cidade en pequeno, cos seus parques, casas, rotondas, xardíns, sinais... Recibíronnos tres persoas, unha delas era un policía local. Primeiro dividíronnos en dous grupos e mentres  a un lle estaba explicando o policía, sobre o circuito, o significado dos  distintos sinais, raias pintadas no chan, maneira de circular nas rotondas, principais normas de tráfico, etc o outro grupo estaba vendo un vídeo e unha proxección de diapositivas nunha sala próxima.  

Despois de recibir as explicacións do policía local  ese grupo collía as bicicletas e os "karts" e practicaba o que lle explicaran antes por todo o circuito. Foi moi divertido, e todos queriamos estar máis tempo practicando. Por certo,  dúas compañeiras foron seleccionadas para participar nun concurso polo ben que o fixeron. NORABOA!    

O vídeo tamén foi moi interesante pois trataba das similitudes do desprazamento dos animais e dos humanos e, por último, proxectáronnos unhas diapositivas sobre como circular coa bicicleta por estradas e pola cidade de maneira segura.

Pareceunos a todos unha saída moi divertida e na que aprendemos moito sobre educación vial, especialmente coa bicicleta.      

                 

                                                                                                Yolanda, Ángel e Noelia Carnero.

Exposición "A restauración no museo"

O día 18 de decembro de 2013 os nenos e nenas de 5º e 6º do noso colexio fomos ver a exposición “A restauración no museo” que estaba instalada na sala de exposicións de Novagalicia Banco na Praza Maior de Ourense. Alí unha guía mostrounos as distintas esculturas e cadros, todos relixiosos, e feitos en madeira. Logo explicounos cales son os males ou enfermidades que poden presentar as esculturas e as pinturas feitas en madeira  e a maneira de restauralas.

 Para saber que problemas presenta fanlle á peza unha especie de radiografía. Unha das cousas que máis importante é na restauración dunha obra é que non se lle pode engadir nada novo. Das enfermidades que poden presentar estas obras unha moi importante é a presenza de termitas e a monitora díxonos que para eliminalas inxéctanlles un insecticida cunha xiringa en cada burato e logo envólvenas nun plástico ben pechado e extráenlle o aire e así as termitas morren por falta de osíxeno. Están así envoltas arredor dun mes. Outro problema importante que presentan estas obras é a debilitación da madeira que deben solucionar para darlle consistencia aos soporte das obras.

Despois de explicarnos estas e moitas outras cousas sobre a restauración de obras en madeira fixemos un taller onde por grupos tiñamos que detectar que problemas presentaba unha obra que nos deu fotografada e cales serían as medidas que habería que tomar para restaurala, esta peza era o Santiago Peregrino. Gustounos moito facer de restauradores e puidemos aplicar os coñecementos que adquirimos ao longo da visita. Esta visita gustounos moito a todos e á nosa mestra tamén.

excursión Marcelle e Lugo

Open publication - Free publishing - More news

Visita á exposición da colección Zanchi

O día 29 de marzo, os nenos e nenas de 5º e 6º curso do noso colexio fomos ver a colección Zanchi ó Centro Social de Novacaixagalicia, na Praza Maior de Ourense.

Ó entrar recibiunos unha guía que antes de explicarnos os diferentes cadros, díxonos que había pouca iluminación na sala porque se non estragaríanse as pinturas, tamén nos informou de quen era a colección e de que alí só había 40 cadros dos 800 que posúe. A continuación explicounos varios cadros de pintores moi famosos como Rubens, Murillo, Caravaggio, Turner... e tamén a única escultura de bronce que existe na actualidade de Miguel Ángel (Átropos).

Todos quedamos impresionados coa exposición porque a guía explicounos moi ben o significado dos cadros, a elección das cores, a posición das figuras, a profundidade, por que nunhas épocas os temas elexidos eran sempre relixiosos e noutra eran retratos ... cousas que fixeron que todos estiveramos moi atentos e que se nos pasara a visita moi rápido.
"Eu ía á visita con pouca ilusión porque non me gustaba ver cadros, pero cando a guía nos explicou a historia de "Ártropos" que trataba da mitoloxía grega, que é o meu tema favorito, xa quedei enganchado; logo tamén chegamos a un cadro "Sileno ebrio" que ía sobre o mesmo tema
e que eu sabía ó que facía referencia polos libros que lin sobre este tema. Os outros cadros tamén me gustaron moito pero estes foron os que máis. Para min esta visita foi alucinante". (Even)
"A min o cadro que me gustou maís foi o "Descendemento da Cruz" de Rubens. Chamoume moito a atención e a guía explicounos moi ben todo o que se ve nel. Debes vir ver esta exposición". (Pablo)
"O cadro que máis me gustou foi o "Descendemento da Cruz". Gustoume moito esta visita inda que non me gustaba ir ver exposicións, pero a guía explicábanos os cadros moi ben e así aprendemos moitas cousas. Recoméndocha, vaivos gustar". (Fran)
" O que máis me gustou foi a escultura de Miguel Ángel e un cadro de Turner que era unha paisaxe moi difuminada. Non me gustaba ver cadros, pero agora quero que vaian vela os meus pais para explicárllelos eu. Paseino moi ben e aprendín moito". (Helleni)
"Esta exposición gustoume moito e era tan entretida que o tempo pasoume rapidísimo. Espero volver algún día cos meus pais antes de que a retiren e explicarlles eu os cadros". (Bruno)

Unha noite na ópera

Onte, día 23 de febreiro, os alumnos/as de 5º fomos ver a película "Unha noite na ópera" ao Auditorio de Ourense. Foi unha película moi divertida, e, a pesar de ser en branco e negro, pasámolo de medo co humor dos irmáns Marx. Recomendámosvola.