UN ENTROIDO VENTOSO

Despois de traballar arreo na preparación dos disfraces de vento entre papás, mamás, mestres, mestras, alumnos e alumnas, por fin chegou o día de por os disfraces e saír a disfrutar! O colexio Plurilingüe Albino Núñez ía estar afectado por unha serie de fenómenos meteorolóxicos adversos, entre eles o vento que non paraba de troulear.

ENTROIDO 2017- VENTO by Slidely Photo Gallery

E coma en toda a festa, a música non pode faltar. 

Os nosos compañeiros Carla e Anxo tocaron unhas pezas para comezar.

FIGURAS XEOMÉTRICAS CON PLASTILINA E PALILLOS

Os/as alumnos e alumnas de 6º de primaria construimos as nosas propias figuras xeométricas empregando plastilina e palillos,  unha maneira divertida de traballar as matemáticas.

                      Comezamos a construir as nosas figuras...            

       E así quedaron as nosas creacións.... fantásticas!!!!!!!   

XORNADA SAUDABLE: VISITA SUPERMERCADO

O xoves, 16 de febreiro, os alumnos e alumnas de 6º de primaria participamos nunha actividade relacionada coa alimentación e os hábitos saudables. Esta actividade constou de dúas partes:

- Primeiramente no centro tivemos unha charla informativa impartida por unha nutricionista.Por medio dunha presentación, foinos explicando os tipos de alimentos que constitúen a pirámide alimentaria e o consumo aconsellable de cada grupo deles. Despois tamén nos explicou como está distribuída cada sección dun supermercado e os produtos que podemos atopar nelas. 

Antes de rematar a charla, a nutricionista comentounos que cando chega a hora de pagar.....pois en moitas ocasións nos desesperamos, xa sexa, por impaciencia ou porque realmente temos présa.....Este vídeo que vos amosamos a continuación é un claro caso do que vos acabamos de contar.

- Na segunda parte da actividade, desprazamonos ao supermercado. Alí puidemos observar as distintas seccións das que nos falara a nutricionista. Detivémonos máis concretamente na peixaría e na charcutería, nas que as dependentas nos deron unha clase práctica do seu traballo diario.
A continuación, tomamos unha merenda basada, como non, en alimentos saudables. Que bo estaba o zume!!!! Antes de rematar, fixemos un xogo cos ollos pechados, no cal tiñamos que descubrir as froitas e verduras que íamos tocar e probar.                                

                               
                            

Finalmente, tocaba despedirnos e agradecer todas as atencións recibidas.
Imos coa lección ben aprendida: "Se comes saudable, crecerás sendo responsable"

TALLER DO PAN

O pasado mércores, 11 de xaneiro, todo o alumnado do sexto curso de Educación Primaria participamos nun taller de elaboración do pan no comedor do centro. A nosa mestra ía ser a nosa panadeira. 

Días antes fixemos unha lista con todos os ingredientes que íamos empregar: 

• 500 g de fariña,  
• 10 g de levadura, 
• 300 g de auga tépeda 
• 10 g de sal. 

Con todo isto, xa estabamos preparados para poñernos "mans ao bolo". Todos e todas aprendemos os pasos para facelo pan, fomos botando cada ingrediente pouco a pouco, logo amasamos ben e finalmente fixemos os bolos, e metémolos no forno. Agora, só quedaba esperar. Menudo arrecendo houbo ese día no colexio, humm!!

FACENDO PAN by Slidely Slideshow

DESPEDIDA E NOVA ANDAINA

Despois da xubilación de María García Dafonte, a profesora que con profesionalidade, dedicación e cariño tivo a seu cargo a dirección deste blog e que construíu curso a curso coa colaboración dos seus alumnos, comezamos agora unha nova andaina na que reflectiremos as actividades, traballos, creacións ... que realizarán os alumnos e alumnas das aulas abalar do centro (5º e 6º de primaria), así mesmo compartirán connosco recursos e propostas relacionadas coas TICS. 

Queremos que siga sendo un elemento máis de comunicación entre os alumnos e a comunidade educativa onde podades ver o traballo que día a día realizamos no centro. Esperamos non desmerecer o traballo realizado por María García que nos deixou o "listón" moi alto. A ela desexámoslle o mellor nesta etapa da súa vida e un merecido descanso despois de tantos anos de esforzo e dedicación. 

Tamén contamos con todos para que nos sigades apoiando e visitando.

Visita á Sala de Exposicións Afundación: " A FRONTEIRA INFINDA"

O venres, día 27 de maio os nenos de 5º e 6º fomos ver a exposición "A FRONTEIRA INFINDA" á Sala de Exposicións Afundación. Esta exposición achegounos á arte realizada por creadores galegos fóra de Galicia, ao longo de boa parte do século XX. Vimos obra de Castelao, Maruja Mallo, Laxeiro, Luis Seoane... e antes realizamos un obradoiro que consistiu en supoñer que eramos un grupo deses pintores emigrados e tiñamos que elaborar a portada dunha revista, unha entrevista a un deles, unha obra, o cartel anunciando unha exposición que ía ter lugar proximamente e unha viñeta cómica... Mirade o resultado.

Traballando no obradoiro

Mostrando a obra realizada 

Gustounos moito como a monitora enfocou a visita porque nos fixo participar moito e tamén resultou moi positivo o obradoiro. 

                                                           

LETRAS GALEGAS 2016

Este ano dedícaselle o Día das Letras Galegas a Manuel María, poeta moi popular, comprometido con Galicia e  autor da obra poética máis extensa das nosas letras.

Publicou máis de cincuenta libros de poesía, trinta ensaios, quince obras narrativas, vinte pezas teatrais e moitos artigos xornalísticos. Foi traducido a numerosos idiomas  e é o poeta galego máis musicado. Toda a súa obra reflicte o seu amor a Galicia, á súa terra, á xente, á lingua, ás cousas cotiás...

 Dedicounos unha atención especial aos nenos e nenas, galegos con poemarios, contos e obras teatrais. No prólogo do libro  As rúas do vento ceibe  di Manuel María: “Si estes poemas, sinxelos e simples, vos deprenderan a amar a nosa patria Galicia, este voso vello amigo sería o home máis feliz do mundo”. Pois ben, poderás entón sentirte moi feliz alá onde esteas, porque conseguiches que cos teus versos milleiros de nenos e nenas galegos coñezamos e apreciemos máis ao noso país, á vez que espertaches en  moitos de nós o gusto  pola poesía. GRAZAS

Estivemos traballando arredor de Manuel María todo o mes de maio, primeiro lendo a súa biografía e logo lendo e recitando os poemas dos libros que escribiu  para nenos Os soños na Gaiola e As rúas do vento ceibe, tamén escoitando moitos destes poemas musicados. Nós eliximos un deles "A Fala" para recitalo o día do festival, acompañado da flauta que tocaron dous dos nosos compañeiros. 

A nivel plástico decidimos ilustrar cinco dos seus poemas con diferentes técnicas. Podedes velos a continuación. 

  

 Con estes murais fixemos un especial sobre Manuel María para a revista escolar.

                       Manuel María non te imos esquecer nunca.

 Se queredes coñecer mellor a este gran poeta galego podedes visitar estas páxinas:

Coordinadora Galega de ENDL

Casa Museo Manuel 

Seminario Galán