Vista exposición "Neolítico, de nómades a sedentarios"

O día 19 de febreiro os alumnos e alumnas de 5º curso do noso colexio fomos ver a exposición da Caixa “Neolítico, de nómades a sedentarios” instalada nunha carpa na Alameda de Ourense. Alí unha guía explicounos como vivían os homes nómades e como vivían en cada unha das distintas etapas que se poden diferenciar no Neolítico: como eran as súas vivendas, que utensilios utilizaban, que comían, como se vestían, primeiras plantas e animais domesticados, descubrimentos, etc. Todo isto cunhas maquetas nas 

que había animais e figuras humanas a tamaño real que impresionaban moito. Aprendemos cousas moi curiosas como que o primeiro animal domesticado foi o lobo, as dúas hipótesis máis probables de como naceu a agricultura, a aparición da escritura como billete de compra, como celebraban os enterramentos… Foi unha visita que nos gustou moito a todos, estivemos moi atentos e a nosa profesora felicitounos á saída.

CANCIÓN "PAZ, PAZ, PAZ" 

http://youtu.be/caOfma3w_7E 


VIDEO PAZ

Charla sobre seguridade en internet

O día 3 de xaneiro os alumnos de 5º e 6º do noso colexio tivemos unha charla sobre como navegar con seguridade en Internet. Esta charla foi impartida por un informático dentro do programa da Xunta “Navega con rumbo”.

Aprendemos moitas cousas. Algunhas delas son:

            Que non hai que dar información ou datos reais a ningún descoñecido.

            Nunca dar os nosos contrasinais e como os debíamos elexir: con letras e números e outros caracteres, pero á súa vez fácil de recordar; ensinounos algúns trucos para facelo.

            Non rexistrarnos con datos reais nas redes sociais, como Facebook, Tuenti...ou en xogos.

            Que tivésemos coidado coas fotos que subimos e non publicar as de ninguén sen o seu consentimento.

            Non abrir páxinas raras, nin facer caso de anuncios de premios, etc.

            Non descargar programas descoñecidos.

            Nunca ter acendida a webcam para evitar que nos vexan a nós ou a nosa casa.

            Ensinounos a necesidade de ter un antivirus.

            Que ante calquera cousa sospeitosa que avisásemos aos mestres e aos pais.

            Que hai que respectar aos demais e que coidaramos a linguaxe.

            Todo isto pódese resumir en “Non fagas en internet o que non farías na vida real”.

A todos nos pareceu unha charla moi interesante, porque aprendemos moitas cousas  para poder navegar por Internet sen perigo.

   (Martín, Alberto, Noelia, Iris, Xian, Andrea S., Telma e Adrian)

            

Fotos Día da Paz

DÏA DA PAZ 2014

O 30 de xaneiro, Día da Paz, no noso colexio fixemos un acto moi bonito: cada un dos  nenos e nenas  fomos colocando sobre a silueta dunha pomba xigante, feita polos profesores,  unhas  bandeirolas  que pintaramos nas clases nos días anteriores.  Empezaron os nenos de infantil a colocar  as súas e logo continuamos os nenos e nenas dos distintos cursos de primaria.

 As  bandeirolas estaban colocadas sobre media pataca envolta en papel aluminio.

Ao rematar de completar a pomba,  entre todos cantamos  a canción de Juanes “Paz,paz,paz” acompañada dunha coreografía deseñada pola profesora Maite.

Como chovía tivemos que facer todos estes actos no salón de actos.

(Podedes ver as fotos  aquí no blog).

Outra cousa que fixemos para conmemorar o Día da Paz foi elaborar uns lemas sobre a paz, que logo os profesores colgaron nunha especie de árbore que temos na entrada do colexio.  (Nenos e nenas de 5º) 

Os nosos lemas sobre a PAZ

As nosas bandeirolas

comentarios obra de teatro

Charla sobre hixiene dental

O día 15 de xaneiro os nenos de 5º e 6º tivemos unha charla no colexio sobre hixiene dental. Primeiro a monitora ensinounos un vídeo sobre os dentes, como coidalos e previr as caries; logo estivo un anaco ensinándonos a cepillar os dentes: díxonos que había que cepillalos dende a enxiva ata a coroa, por diante e por detrás, sen esquecernos das moas que as hai que cepillar en movementos circulares. Todo isto débese facer tres veces ao día, e que o momento máis importante é á noite. Para isto utilizou un modelo de dentadura moi grande. Tamén nos falou das partes dun dente e os distintos tipos de dentes, do que era a placa dental e como ocasionaba a caries, da necesidade de acudir ao dentista dúas veces ao ano... Ao final puidemos facerlle algunhas preguntas.

         Telma e Andrea S.